Авариядә тагын бала үлгән: бу юлы 4 айлык

Беренчел мәгълүмат буенча, «Дэу Нексия» автомобиле каршы як полосага чыгып, «Лада Гранта» машинасы белән кара-каршы бәрелешкән. Каты бәрелешүдән соң ике машина да җимерелгән.

Юл-транспорт һәлакәтендә «Дэу Нексия» автомобилендәге ир белән хатын һәм «Лада Гранта» машинасындагы 4 айлык бала һәм аның әти-әнисе зыян күргән. Бәрелү вакытында ана баланы кулында тоткан булган. Бала алган җәрәхәтләреннән хастаханәгә барып җитмичә дә үлгән. Юлларда вәзгыятьнең катлаулануыннан чыгып, 26 гыйнвардан республикада “Бала – төп пассажир” оператив-профилактика чарасы игълан ителә.