Биектау районында ике өлкән кеше һәм ике бала газ белән агуланган

Биектау районының Урта Алат авылында дүрт кеше, шул исәптән 9 яшьлек малай һәм 13 яшьлек кыз агуланган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Хәбәр Биектау районының 112 бердәм экстрен номерына бүген 15.05 сәгатьтә алынган.

Гадәттән тыш хәлләр министрлыгы хезмәткәрләре, полиция, медицина һәлакәтләр үзәге һәм “Газпром трансгаз Казан” хезмәткәрләре килгән.

76 яшьлек ир-ат, аның 66 яшьлек хатыны һәм 9 яшьлек малай һәм 13 яшьлек кыз хастаханәгә озатылган.

http://tatar-inform.tatar