Казанда берничә җиңел автомобиль катнашындагы аварияне видеога төшергәннәр

Казанда берничә җиңел автомобиль (аларның берсе яны белән ауган) катнашындагы аварияне видеога төшергәннәр. Социаль челтәрләрдән файдаланучылар юл һәлакәте булган урында төшерелгән кадрларны интернетка урнаштырган.

Видеодан күренгәнчә, юл һәлакәтендә ким дигәндә өч җиңел автомобиль катнашкан. Аларның берсе яны белән ауган.

Әлеге аварияне үз күзләре белән күргән кешеләр хәбәр иткәнчә, юл һәлакәте Җиңү проспектында - «Агросәнәгать паркы» янында булган.

Фото: скриншот видео из соцсетей

Чыганак: tatar-inform.tatar