М7 федераль трассасында берничә километрга сузылган бөкеләр хасил булган - видео

Эльвира Мөхәммәтдинова, 25 март 2019 - 18:28

1119

Татарстан ЮХИДИ хезмәткәрләре һава торышы начар булганда торак пунктлардан чыкмаска киңәш итә.

Социаль челтәрләрдә М7 федераль трассасында километрларга сузылган бөкеләр видеосы барлыкка килде.

Юлда тукталып калган машина йөртүчеләр бүген һава торышы начар булуы аркасында трассада аварияләр һәм бөкеләр булган федераль трассага чыкмаска киңәш итәләр.

«Бөке! Хәтта юлга чыгарга уйламагыз, бик күп авария, кайберәүләр кире борыла...» , - дип шәрехли бу хәлләрне бөкедә утыручылар.

Машина йөртүчеләр шулай ук бозлавык һәм көчле буран булудан зарлана. «Юлга чыгарга җыенучылар булса, пөхтә йөрегез, тизлек режимын саклагыз», - дип язалар алар социаль челтәрләрдә.