Татарстанда М7 трассасында ике җиңел автомобиль һәм йөк машинасы катнашында авария булган

Татарстанның Питрәч районында «Митсубиси» һәм «Лексус» автомобильләре, шулай ук «Скания» йөк машинасы катнашында юл һәлакәте булган. Социаль челтәрләрдән файдаланучылар авария урыныннан видео урнаштырган.

Видеокадрлардан күренгәнчә, авария нәтиҗәсендә ике җиңел автомобильгә дә җитди зыян килгән. «Митсубиси» тимер өеменә охшап калган. «Лексус»ның арткы өлеше, шулай ук уң як пассажир ишеге ватылган.

Юл һәлакәтендә «Митсубиси» шоферы зыян күргән. Авариянең нечкәлекләре һәм зыян күрүчеләрнең төгәл саны ачыклана.

Фото: соцсети

https://tatar-inform.tatar