Саба таңнары

“Музыкаль десант” килә

Район мәдәният йортының үзешчән сәнгать коллективы тарафыннан авыл халкының хезмәт белән кайнап торган җәй айларына ямь һәм рухи көч өстәү максатыннан оештырылган "Музыкаль десант" дип аталган концертыбызның беренчесе Кече Кибәче авылы мәдәният йортында булды.

Өч сәгатьлек шоу программада районыбыз тамашачылары күңеленә юл салган җырчыларыбыз Лилия Мансурова, Энҗе Нурисламова, Гөлзилә Нурмөхәммәтова, Булат Гыймадиев, Ләйсән Гыйззәтуллина, Тимершык һәм Сатыш мәдәният йортлары сәнгать җитәкчеләре Айдар Хантимеров, Фаил Шәфигуллин, талантлы яшь үзешчәннәребез Булат Нәҗипов (Мишәбаш авылыннан), Илназ Мусин (Сатыш), Гөлинә Баһавиева (Тенеки), Ләйсән Нәҗметдинова, Альбина Нәҗмиева, Динар Нәҗметдинов, Фәрит Имаметдинов (Саба), Рәзинә Сәлахиева (Иләбәр), Энҗе Шәфигуллинаның (Сатыш) чыгышлары көчле алкышлар белән кабул ителде. Программаны Энҗе Нурисламова һәм Гөлзилә Нурмөхәммәтова тамашачылар белән оештырылган биюләр, күңелле уеннар белән үреп алып бардылар. Концертның музыкаль бизәлешен Фәнис Якупов, Наил Абдуллин һәм Булат Гыймадиев төрле төсләр балкышына кертеп сәхнәне нурга күмделәр.

Концерттан соң күрше Теләче районыннан килгән тамашачылар: "Мондый шоу-концертларны ике район арасында да оештырып булмасмы?"- дигән тәкъдим белән дә мөрәҗәгать иттеләр. Бу үзе үк авыл халкының күңеленә якын ял чараларының кирәклеге турында сөйли.

Без быел бишенче җәйге концерт сезонын башладык, ул түбәндәге график нигезендә дәвам итә: 28 июль - Килдебәк, 31 июль - Олы Нырты, 2 август - Түбән Шытсу, 4 август - Кече Шыңар, 8 август - Өчнарат, 11 август - Явлаштау, 15 август - Кызыл Мишә, 18 август - Иштуган, 22 август - Керәнне, 25 август - Олыяз.

29 август көнне "Музыкаль десант" республика көнен каршылау уңаеннан Саба үзәк мәйданына "төшәчәк".

М.Кәримов,

район мәдәният йортынын әйдәп баручы методисты.

Нравится
Поделиться:
Реклама
Комментарии (0)
  • 6 ноября 2017 в 20:29
    Соревнования по корэш среди мужчин на призы газеты «Саба таннары»
  • 23 октября 2017 в 15:42
    День призывника в Сабинском районе
  • 22 сентября 2017 в 12:09
    Газетабызның 22 СЕНТЯБРЬ санында чыккан белдерүләр Стеновые и перегородочные керамзитовые блоки, канализационные кольцы, перемычки, брусчатка, бордюры, фундаментные блоки. Тел.:8(84364)39-7-42,89274305254. Прицеплар сатыла. Тел.:89173974817. Кыйбат бәядән металлолом җыябыз. Килеп алабыз. «КамАЗ»- манипулятор.Тел.:89274054649, 89272434977. Сатышевская «Стройбаза»: Автоматические ворота, пиломатериалы,...
  • 20 сентября 2017 в 06:41
    Газетабызның 20 СЕНТЯБРЬ санында чыккан белдерүләр Бетон, раствор. Доставка. Тел.:89274299800. Нәселле үгезбозаулар сатабыз. Тел.:89867120699. Откосные материалы в нарезку. Тел.: 89173993893. Сабинские окна Таш, ком, ПГС, вак таш, карер комы, торф. Тел.:89377728345,Эльмир. Бозаулар 1200.Тел.:89393371247. Ит токымлы үгезләр,...
  • 15 сентября 2017 в 16:56
    Игътибар! Эшкә чакырабыз! "Саба таңнары" редакциясенә компьютерны яхшы белүче web редактор чакырыла. Белешмәләр өчен телефон: 2-30-58