«Минем яраткан тренерым» иҗади конкурсында катнашучыларны бүләкләү булды

10 ноябрьдә «Саба-Арена» спорт мәктәбе тарафыннан оештырылган «Минем яраткан тренерым» иҗади конкурсында катнашучыларны бүләкләү булды.Һәр катнашучы өчен бу күңелле һәм мөһим вакыйга булды, чөнки мондый бүләкләр — тырышлыкларны тану гына түгел, алга таба да уңышларга этәргеч булып тора. Бүләкләнүчеләрнең барысын да котлыйбыз һәм аларга яңа казанышлар, укуда, спортта һәм иҗатта якты җиңүләр һәм илһам телибез!