Ата-ана контроле җитми

Саба муниципаль районы башкарма комитетының балигъ булмаганнар эшләре һәм аларның хокукларын яклау комиссиясенең чираттагы утырышында каралган эшләрнең күпчелеге кичке сәгать уннан соң җәмәгать урынында тоткарланган балаларның тәртибен тикшерү булды. Сабадан уналты яшьләре тулмаган өч, Шәмәрдәннән ике укучыга кисәтү ясалды. Э.нең (Шәмәрдән) эчкечелек белән шөгыльләнүе нәтиҗәсендә өч яшьлек кызын тиешле дәрәҗәдә тәрбияләп җиткерә алмавы тикшерелде һәм ялгышын төзәтергә вакыт бирелде.