Техник җиһазлар төзекме?

Шушы көннәрдә "Шытсу" җәмгыятенең Түбән Шытсу сөтчелек фермасында район авыл хуҗалыгы һәм азык-төлек идарәсе начальнигы Гафур Хәсәншин җитәкчелегендә хуҗалыкларның баш инженерлары, ферма мөдирләре, терлекчелек механиклары, электрчылар белән техник җиһазларның кышлату чорына әзерлегенә багышланган семинар-киңәшмә уздырылды.

Техник җиһазларның төзеклеген тәэмин итү, хезмәтне саклау буенча идарәнең механикалаштыру бүлеге киңәшчесе Раиф Харисов, терлекчелек бүлеге начальнигы Илсур Латыйпов, ветеринария берләшмәсе начальнигы Айрат Шакиров үзләренең киңәш-тәкъдимнәре белән уртаклаштылар.