Фестивальнең бик тирән миссиясе бар - үз тамырларына мөрәҗәгать итү һәм үз мәдәни кодын аңлау.
Казанның Пушкин исемендәге мәдәният үзәгендә "Россия халыкларының традицион костюмы" Бөтенроссия фестивале башланды. Саба балалар сэнгать мэктэбе укытучысы Альбина Мөбарәкжанова Саба районыннан килгән делегация составында тематик конференциядә, дефиле һәм конкурста катнашты, анда Россиянең төрле почмакларыннан килгән осталар, дизайнерлар һәм иҗат коллективлары үз эшләрен номинацияләр буенча тәкъдим иттеләр.
Фестиваль 20 дән артык төбәк вәкилләрен берләштерде, шул исәптән ДНР, Башкортстан, Татарстан, Белгород өлкәсе һәм башкалар.
Шулай ук делегациялар Уникаль осталык үзәгендә (ЦУМ) күргәзмәдә булдылар, анда Россия халыкларының традицион костюмнары, милли киемнәрдә автор курчаклары, шулай ук образны тулыландыручы аксессуарлар тәкъдим ителде. Бу гасырлар дәвамында буыннан-буынга күчеп килгән чигү, кисү һәм орнаментларны җентекләп карау өчен сирәк мөмкинлек иде.
Гала-шоу һәм бүләкләү тантанасы фестивальнең кульминациясе булды. 6 сентябрьдә Казан Кремленең Пушечный ишегалдында финалистлар чыгыш ясады, ә жюри җиңүчеләр һәм Гран-при җиңүчесе исемнәрен игълан итте.
Нет комментариев