14 миллион сум акча урлауда шикле ир белән хатынны эзлиләр [+фото]

автор, 20 июнь 2016 - 16:02

642

16 июньдә полиция бүлегенә бер банктан 14,2 миллион сум акча урлануы турында гариза керә.

14 миллион сум акча урлауда шикле ир белән хатынны эзлиләр [+фото]

Инкассаторлар китергән букчадагы акчаның бер өлеше ялган акча - "Банк приколов" дигән язулы муляжлар белән алмаштырылган була. Әлеге факт буенча җинаять эше кузгатыла.

Полиция хезмәткәрләре тарафыннан җинаять кылуда шикле кешеләр - банкның касса мөдире 39 яшьлек Астафьева Светлана Геннадьевна белән аның ире 37 яшьлек Спирин Юрий Александрович эзләнә. Алар икесе дә чыгышлары белән Чистайдан. Җинаять кылынган көнне ак төстәге "Опель Астра" машинасы белән хәрәкәт итүләре ихтимал.Машинаның дәүләт теркәү номеры - О331УВ (116).

Мәгълүматлы булучыларны 02 яки 291-20-02 (ТР Эчке эшләр министрылыгының ышаныч телефоны) номерлары буенча элемтәгә керүләрен сорыйлар.