29 яшьлек ир-ат 13 яшьлек бала белән җенси якынлык кылган

Түбән Камада 13 яшьлек кыз баланы юлдан яздырган өчен 29 яшьлек ир-ат суд каршына басачак.

2015 елның мартында ир-ат Кармалы авылында яшәүче 13 яшьлек кыз белән җенси якынлык кыла. Тоткарланучы әйтүенчә, ул әлеге гамәлләрен көч кулланып башкармаган, ә барысы да уртак ризалык белән булган, "хисләр" сәбәпче, имеш. Әмма тикшерү органнары, ир-ат зыян күрүчене алдаган һәм юлдан яздырган, дип фикер йөртә.

Әлеге факт буенча җинаять эше кузгатылган. Качарга теләгән ир-атны полиция Чистайда тоткарлаган.

Интертат.ру