Саба урта мәктәбе — «Россия — халыклар йорты» Бөтенроссия диктанты киңлекләрендә
2026 елның 8 сентябрендә, алтынсу көзнең иң матур мизгелләренең берсендә, Саба урта мәктәбенең һәр почмагы туган телебезгә, газиз Ватаныбызга булган тирән ихтирам һәм сөю белән сугарылган иде. Бу көнне безнең уку йорты зур горурлык белән Россия халыклар йорты исемле Бөтенроссия диктантына кушылды.
Әлеге күркәм чара Россия Федерациясе Президентының 2025 елның 4 ноябрендәге 798 номерлы Указы нигезендә гамәлгә куелган, Халыклар бердәмлеге көне уңаеннан игълан ителгән Россия халыклары телләре бәйрәменә багышланды. Бу илдә яшәүче дистәләгән милләт вәкилләренең үзара дуслыгын, татулыгын һәм бай рухи мирасын данлау көне.
Әлеге чарада 97 укучы һәм 10 укытучы,килгән кадерле кунагыбыз Гайфуллина Алия Шамил кызы катнашты. Барысы да диктантка гаять зур җаваплылык һәм кызыксыну белән якын килделәр. Мондый фәнни-мәдәни акцияләр ул бары тик грамоталылыкны сынау гына түгел. Бу тәрбия эшенең иң нәтиҗәле коралларының берсе. Ул яшь буынга:
- Туган телебезнең һәр сүзен яратырга, аның моңын һәм куәтен тоярга өйрәтә;
- Россия киңлекләрендә яшәүче башка халыкларның теленә һәм мәдәниятенә карата тирән хөрмәт хисе тәрбияли;
- Телнең гап-гади аралашу чарасы гына түгеллеген, ә бәлки һәр милләтнең кабатланмас рухи мирасы, тарихи хәтере һәм якты киләчәге икәнен аңларга ярдәм итә.
Нет комментариев