Саба таңнары
  • Тат Рус Лат
  • «Аэрофлот» очкычларының берсенә Муса Җәлил исеме биреләчәк

    Татарстан - «Россия тимер юллары» ААҖ белән тимер юл вокзалында Салих Сәйдәшев маршын башкару турында килешү төзегән илнең бердәнбер субъекты.

    «Аэрофлот» очкычларының берсенә Муса Җәлил исеме биреләчәк. Бүген ТР транспорт һәм юл хуҗалыгы министры Ленар Сафин ТР Министрлар Кабинеты каршындагы Татарстан Республикасы телләре турындагы законны гамәлгә ашыру советы утырышында шул хакта хәбәр итте. Киңәшмә ТР Премьер-министры Алексей Песошин рәислегендә узды.

    «Бу – моңарчы күрелмәгән очрак. Узган елның ахырында „Аэрофлот“ генераль директорыннан хәбәр килде. „Аэрофлот“ очкычларының берсенә Муса Җәлил исеме биреләчәк», - диде спикер.

    Аның әйтүенчә, республикада тимер юл вокзаллары һәм аэропортлары биналары һәм территорияләрендә халыкка ике дәүләт телендә хезмәт күрсәтү дәрәҗәсенең артуы күзәтелә.

    «Республика территориясендә 52 транспорт инфраструктурасы объекты (24 тимер юл вокзалы, 24 автовокзал, бер елга вокзалы һәм өч аэропорт) бар. Шуларның 23ендә халыкка ике дәүләт телендә мәгълүмати хезмәт күрсәтелә», - диде министр.

    Ленар Сафин хәбәр иткәнчә, Татарстан - «Россия тимер юллары» ААҖ белән тимер юл вокзалында Салих Сәйдәшев маршын башкару турында килешү төзегән илнең бердәнбер субъекты.

    Фото: архив/Михаил Захаров

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: