Авыр тормыш хәлендә калучы балалар өчен ышаныч телефоны эшли

17 майда Халыкара балалар ышаныч телефоны көне билгеләнә. 2014 елда ул «Балага ярдәм - гаиләгә ярдәм" девизы белән үтә. Авыр тормыш хәлендә калучы балалар бөтенроссия 8-800-2000-122 бердәм ышаныч номерына кәрәзлесеннән дә, өй телефоныннан да шалтырата ала. Балалар өчен ышаныч телефоны хезмәте тәүлек әйләнәсендә, аноним рәвештә эшли. Шалтырату бушлай. Татарстанда бердәм ышаныч телефоны номерына тоташтырылган биш ышаныч телефоны буенча элемтәгә керергә мөмкин. Әйтик, Казанның "Балаларга һәм яшьләргә социаль хезмәт күрсәтү комплекслы үзәге" (тел: 8843-571-35-71, тәүлек буе эшли торганы -8843-277-000 ), Чаллыдагы ашыгыч психологик ярдәм күрсәтү үзәге" (тел: 88552-52-96-96 (рус телендә), 8552 52-55-52 (татар телендә күрсәтелә).