Айдар Галимов ни өчен Салаватның җырын җырлаган? [+видео]

Бу көннәрдә Айдар Галимов гастрольләр белән Екатеринбург якларында булды. Концерт бик матур барды, тамашачылар да җырчыны бик җылы каршы алды. Гадәттәгечә, залда утыручы тамашачы Айдар Галимовка хатлар юллады. Аларның берсендә: "Миннән кичә ирем китте, елыйсыларым килә! Салават Фәтхетдиновның "Салкын чәй" җырын җырлагыз әле зинһар өчен!" - дип язылган иде. Тамашачылар хатның эчтәлеген ишеткәч тә, кычкырып көлде. Ләкин Айдар Галимов югалып калмый, Салаватның "Салкын чәй" җырының кушымтасын башкара. Нәтиҗәдә зал аңа кушылып җырлый, дип хәбәр итә tmtv-online.ru сайты.