Яңалыклар
Бүген эштән 1 сәгатькә иртәрәк кайтабыз
Иртәгә 30 август - Республика һәм шәһәр көне уңаеннан Татарстан халкы ял итәчәк.
"Татарстан Республикасының бәйрәм көннәре һәм истәлекле даталар турында"гы Татарстан кануны буенча 30 август эш көне булмаган бәйрәм көне булып санала. Бу хакта Татарстанның Хезмәт, мәшгульлек һәм социаль яклау министрлыгы матбугат хезмәте хәбәр итә.
РФ Хезмәт кодексының 95нче маддәсе нигезендә, бәйрәм алды көнендә эш көне яки смена бер сәгатькә кыскартыла, дип җиткерәләр идарә тармагыннан.
Шулай итеп, 2016 елның 30 августы эш көне булмаган бәйрәм көне булачак, 29 августта эш көне бер сәгатькә кыскартыла.
Следите за самым важным и интересным в Telegram-каналеТатмедиа
Нет комментариев