Саба таңнары

Биолог: Коронавирус кеше гомерен 10 елга кыскарта

Ике-өч буыннан соң кешеләр коронавирусны даруларсыз да җиңелрәк кичерәчәк, дип саный биолог.

Россия Фәннәр академиясенең функциональ медицина-генетика фәнни үзәгенең функциональ геномика лабораториясенең баш фәнни хезмәткәре, биология фәннәре докторы Анча Баранова фикеренчә, коронавирус кеше гомерен 10 елга кыскарта.

«Кешелек гомер озынлыгы 10 елга кыскара дигән фикер белән әкренләп килешә. Кешеләр яшь булганда аларның иммунитеты бар. Алар коронавирус яки башка күп төрле иммунизацияләрне җиңә. Картайгач авырулар да арта һәм аларның берсе — коронавирус, шуңа күрә уртача гомер озынлыгы 10 елга кыскара», — диде табиб.

Биолог белдергәнчә, вирусның табигый зәгыйфьләнү варианты да бар. Әмма ике еллык пандемия вакытында ул бөтенләй сизелмәслек кенә зәгыйфьләнде, дип яза РИА Новости.

«Ике-өч буыннан соң кешеләр коронавирусны хәтта даруларсыз да җиңелрәк кичерәчәк. Бәлки кешелекне җәфалый торган вирусларның структурасы да үзгәрер, бәлки ниһаять грипп кимер», — дип өстәде биолог.  

Фото: архив/Михаил Захаров

Чыганак: tatar-inform.tatar

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: