Бурычларын миллионга җиткерүчеләр дә бар

Башкалада торак-ком­муналь хуҗалык хез­мәтләре өчен бурычлары булган казанлыларны фатирларыннан чыгара башлаганнар. Урамда ук калдырмыйлар, бил­­геле. Алар шартлары на­чар­рак булган торакка
кү­че­­релә. Шул рәвешле рес­пуб­ликада ТКХ өчен бурычлары җыелган­нарга сабак укытмак­чылар.

Саннар исә, дөрестән дә, катгый чараларга кү­чәрлек. Хәзерге вакытта Казан хал­кының торак-ком­муналь ху­җалык хезмәт­ләре өчен 2 миллиард сум бурычы җыел­­ган. Бу - башкалада яшәү­че һәр дүртенче гаилә әҗәтле дигән сүз. Баш­ка­ланың ТКХ комитеты рәисе Искәндәр Гыйниятуллин сүзләренә караганда, бу чара иң элек муниципаль торак яллап торучыларга кагыла. Ник дигәндә, бурыч суммасының яртысын нәкъ менә алар кайтарырга тиеш. "Күрсәтелгән хезмәт­ләр өчен вакытында түлә­мәү­дән финанслау дә­рәҗәсе дә, капиталь төзек­ләндерү программаларын тормышка ашы­ру эше дә тоткарлана", - ди комитет рәисе.

Бүген ике гаилә яшәгән фатирыннан чыгарылган да инде. Айлык бурычлары 30 мең сумнан арткан бу гаи­ләләрне тулай торак бүл­мәсенә күчергәннәр. Тагын өч гаилә, бурычларын тү­ләргә акча табып, фатирында яшәп кала алган. Гомумән алганда, Казанда 50,5 мең гаилә ТКХ хезмәтләре өчен - 100 мең сумга кадәр, 1,7 мең гаилә - 101 мең сумнан 300 мең сумга кадәр, 274 гаилә 301 мең сумнан 600 мең сумга кадәр бурычка баткан. Араларында хәтта әҗәте 1,3 миллион сумга җиткән гаилә дә бар.

Казанлыларның бурычы баштан ашса да, башкалада быелга планлаштырылган ка­пи­таль төзеклән­дерү эше ахырына якынлаша икән. Ис­кәндәр Гыйниятуллин сүзлә­ренә караганда, бүген барлык эшнең 98 проценты башкарылган.

("Ватаным Татарстан", /№ 124, 25.08.2015/)