Кызлар күбрәк туган.
Район ЗАГС бүлегеннән алынган мәгълүматлардан күренгәнчә, 2018 елның I кварталында 77 бала дөньяга килгән. Бу – былтыргының шушы чоры күрсәткеченә караганда 6 сабыйга кимрәк. Туучыларның 34е малай, 43 кыз.Әти-әниләр сабыйларына саф татарча Мөхәммәт, Йосыф, Нариман дип тә, шулай ук Риналия, Илана дип тә исем кушканнар. Март аенда 4 гаиләдә –1нче, 7 гаиләдә –2нче, 10 гаиләдә –3нче, 1 гаиләдә 4нче бала туган. Шулай ук никахлашучылар саны да кимү ягына үзгәргән. Былтыр 1 апрельгә 34 яшь гаилә барлыкка килсә, быел 29 пар гына язылышкан. Шул вакытта шактый гына еллар яшәгән 11 гаилә таркалган. Иң зур күрсәткеч – вафат булучылар саны. Быел 93 кеше арабыздан киткән, былтыр да 1нче кварталда районыбыз шулкадәр югалту кичергән булган. Кызлар күбрәк туса, дөньялар тыныч торачагына юрыйлар. Гомерләр вакытсыз өзелмәсен иде.
Фото: https://pixabay.com | olhovskayaa
Нет комментариев