Дөнья чемпионаты көннәрендә Казанда Гаилә, мәхәббәт һәм тугрылык көне бәйрәм ителәчәк

Футбол буенча Дөнья чемпионаты көннәрендә  Казанда Гаилә, мәхәббәт һәм тугрылык көне бәйрәм ителәчәк. Чара гаилә бәйрәме кысаларында “Казан” гаилә үзәге янында узачак. Бу хакта “Татар-информ”да матбугат конференциясендә Татарстан Республикасы Министрлар Кабинеты ЗАГС идарәсе җитәкчесе Альбина Шәвәлиева хәбәр итте.

“Бәйрәмнең популярлыгы елдан-ел үсә, катнашучылар арта”, - диде Шәвәлиева.

Июль башында мәхәббәт һәм тугрылык өчен медальләр тапшыру тантанасы булачак. Быел Татарстанда яшәүче җитмеш гаиләгә шундый медаль бирәчәкләр.

Альбина Шәвәлиева сүзләренчә, Дөнья чемпионаты көннәрендә Казанда ЗАГС органнары тантаналы төстә никахларны теркәячәк, гаилә юбилейларын билгеләп үтәчәк, ана капиталына сертификат тапшырачак һәм төрле чаралар оештырачак.

Фото: Салават Камалетдинов

http://tatar-inform.tatar