«Добрый ребенок» фонды Казан балалары өчен Сабага сәяхәт оештырды

 Байлар Сабасы бистәсендә һөнәри юнәлеш бирү, экологик аң тәрбияләү, крестьян-фермерлык эшчәнлегенә тарту максатында Казан балалары һәм яшүсмерләре өчен экскурсия оештырылды. Сәяхәтне оештыручы – «Добрый ребенок» хәйрия фонды. Мондый инициативалар Фонд тарафыннан даими рәвештә оештырыла. Аның  максаты – тәрбия һәм мәгариф өлкәсендә җәмгыятьне мәдәни-әхлакый формалаштыруга юнәлдерелгән проектларга ярдәм итү. Фонд фикердәшләр бергәлеген һәм инклюзив белем бирү мохитен булдыру өстендә эшли.