Дума балаларга энергетик саткан өчен 500 мең сумга кадәр штраф турында закон кабул итте

Документны депутатлар узган елның декабрендә кертте, ә март аенда ул беренче укылыш узды. Хәзер төзәтмәләр Россия Административ хокук бозулар кодексын тулыландырачак.

Балаларга энергетик эчемлекләр саткан өчен гражданнарга 50 мең сумга кадәр, вазифаи затларга 200 меңгә кадәр, ә юридик затларга 500 мең сумга кадәр штраф яный.

Хокук бозуларны карау белән РФ субъектларының башкарма хакимияте органнары шөгыльләнә, алар алкогольсез эчемлекләр сату өлкәсендә төбәк дәүләт контролен (күзәтчелеген) гамәлгә ашыра, ә полиция хокук бозуны ачыклаганда хокук бозучыларны җаваплылыкка тарта ала.

Закон рәсми басылып чыккан көннән үз көченә керә.

Кызыклы яңалыкларны күзәтеп бару өчен Телеграм-каналга язылыгыз

Тулырак: https://tatar-inform.tatar/news/duma-balalarga-energetik-satkan-ocen-500-men-sumga-kadar-straf-turynda-zakon-kabul-itte-5905037

фото https://ru.freepik.com/

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен