Хуҗалыкларда 109786 килограмм сөт савылган

Район авыл хуҗалыгы һәм азык-төлек идарәсеннән алынган мәгълүматлардан күренгәнчә, хуҗалыкларда 8 декабрьдә 109786 килограмм сөт савылган. Шуның 70546 килограммы җаваплылыгы чикләнгән "Саба" җәмгыятенә туры килә. "Мөхәммәтшин" крестьян-фермер хуҗалыгы көнгә 7800 килограмм продукция җитештерә. Бер сыерга исәпләгәндә уртача 21,7 килограмм туры килә. "Олыяз" хуҗалыгында - 4900, "Юлбат"та - 6257, "Курсабаш"та - 5657 килограмм сөт савып алына. Район буенча уртача савым - 16,1 килограмм. Бер сыерга 17,7-20 килограмм сөт җитештерүче хуҗалыклар белән беррәттән, 11,5-15,7 килограммда чикләнүчеләр дә бар.