Хуҗалыкларда урылган кукуруз мәйдан­нары көннән-көн арта

Хуҗалыкларда урылган кукуруз мәйдан­нары көннән-көн арта. Район авыл хуҗалыгы һәм азык-төлек идарәсеннән алынган мәгълүматлардан күренгәнчә, 5750 гектар мәйдандагы кукурузның 2474 гектарыннан 4699 тонна уңыш җыйнап алынган. Терлек азыгы әзерләү дә дәвам итә. Барлыгы 63273 тонна силос, 153542 тонна сенаж әзерләнгән. Көзен эшкәртү үтәсе 34400 гектар мәйданның 19766 гектары эшкәртелгән. Шуның 6439ы тирәннән эшкәртелгән. Сөт җитештерүдә алдагы атна белән чагыштырганда чигенеп эшләү күзәтелә. "Мөхәммәтшин" хуҗалыгында бер сыерга - 22,8, "Сатыш" җәмгыятендә - 18,4, "Олыяз"да - 18,8 килограмм сөт савыла. Район буенча уртача күрсәткеч - 16,1 килограмм.