Игътибар: Татарстанда боз явуы ихтимал

Иртәгә Татарстан территориясендә җылы һава торышы фонында урыны белән яшенле яңгыр явачак, боз явуы ихтимал.

Алмашынучан болытлы һава була. Урыны белән кыска вакытлы, ләкин аерым районнарда көчле яңгыр, боз явачак һәм яшен булачак. Төнлә һәм көндез урыны белән томан булуы көтелә.

Төнлә республикада 13-18, көндез 22-27, көнчыгышта 32 градуска кадәр җылы була.

Шул ук вакытта Казанда төнлә 16-18, көндез 22-25 градус җылы булуы көтелә. Яңгыр явуы һәм яшен булуы ихтимал, дип хәбәр итәләр ТР Гидрометеорология һәм әйләнә-тирә мохитне күзәтү идарәсендә.

Татар-Информ.