Илсур Метшин өч игезәк бала туган әти белән әнине котлады

2015 елда Казанда бер генә гаиләдә өч игезәк бала туган. Бүген аларны Гражданлык хәле актларын теркәү идарәсендә шәһәр мэры Илсур Метшин да котлады.

26 октябрьдә Эльмира һәм Марат Закировлар гаиләсендә өч игезәк бала - малайлар дөньяга килгән. Әти-әнисе улларына Салават, Җәүдәт һәм Морат дип исем кушкан. Шунысы кызык: Эльмираның нәселендә өч игезәк бала табучы булган инде. Сөенечле һәм сирәк була торган хәл буын аша күзәтелә, ди.

Гаиләне әлеге куанычлары белән котлап, Илсур Метшин бүләк - балалар кибетенә сертификат тапшырган.

Фото: metshin.ru

Интертат.ру