Көмешкә куганда аппаратлары шартлаган

Бүген төшкә таба Йошкар-Ола шәһәренең Карл Маркс урамындагы бер йортта килеп чыккан шартлауның беренчел сәбәпләре шундый.

Әлеге хәл сәгать 10нар тирәсендә булган. Шартлауның көче шулкадәр булган ки, хәтта йортның тәрәзәләренә кадәр коелып төшкән. Сәламәтлегенә зыян килүчеләр булмаса да, йортчыларны куркуга салырлык вакыйга булган бу.

Гадәттән тыш хәл булган урынга коткаручылар да, ашыгыч ярдәм хезмәткәрләре һәм хокук сакчылары да килеп җиткән. Җаваплы оешма хезмәткәрләре фаразлавынча, шартлау нәкъ менә көмешкә куу аппараты аркасында килеп чыккан. Тикшерү дәвам итә.

Интертат.ру