"Көнчыгыш" автовокзалдан Сабага автобус рейсы ачыла

Казанның 2015 елның 28 декабрендә хезмәт күрсәтә башлаган "Көнчыгыш" автовокзалында берничә төбәк буенча яңа маршрутлар ачыла.

Бүген - 12 гыйнвардан, Түбән Камага яңа автобус маршруты ачылды. Автобуслар Түбән Камага көн саен иртәнге сәгать 9да китәчәк. Билет бәясе - 420 сум.

Яңа маршрутлар арасында сорау зур булган юнәлештә - Уфага да көндәлек рейс бар. Кузгалу вакыты - 12:10 сәгатьтә. Билет бәясе 1050 сум тора.

Якын арада автовокзалдан Байлар Сабасына да автобуслар йөри башлый.

Интертат.ру