Мул сөтле сыерлар Икшермәдә

Кышлату чорына мул азык запасы туплап, хезмәтне югары продукция алуга планлаштырып оештырган хуҗалыкларда сөт кереме арта бара. Бу көннәрдә "Саба" җәмгыятенең "Мичән", "Сатыш" филиалы, "Тимершык", "Кибәче" бүлекчәләре, "Олыяз" җәмгыяте һәр сыердан 18,2-18,9 килограмм сөт савып, хуҗалыклар арасында лидерлык итәләр. "Мөхәммәтшин" крестьян-фермер хуҗалыгында бер сыерга 22,5 килограмм сөт туры килә. Шул ук вакытта, "Туган як", "Алтын Саба-М" җәмгыятьләре, "Шытсу", "Курсабаш" филиалларында узган елның шушы чорына карата сыерларның продуктлылыгы түбән.