Районда күп балалы 468 гаиләгә җир кишәрлеге бүленеп бирелде

Районыбыз 18 яшьләре тулмаган өч һәм аннан да күбрәк балалары булган гаиләләргә бушлай җир кишәрлекләре бирүдә республикада алдынгы урыннарда бара. Хөкүмәтнең шушы социаль инициативасы гамәлгә кертелү аналарны олылау һәм ихтирам итү чараларына яңа юнәлеш бирде. Районда хәзерге көндә күп балалы 468 гаиләгә җир кишәрлеге бүленеп бирелде. Шуның 124е Саба шәһәр җирлеге биләмәсенә туры килә. Инде әлеге кишәрлекләрнең күп кенә яңа хуҗалары йорт салу өчен көздән нигез күтәреп куйдылар, төзелеш материаллары ташуны дәвам итәләр.