Районыбызның сәләтле укучылары яңа гаджет уйлап тапканнар

Районыбызның "Яшьләрнең белем һәм индустриаль лагере - мәктәп технопаркы" лагеренда ял иткән укучылар яңа гаджет уйлап тапканнар. Яшь талантлар Рифкать Фәхретдинов кул астында эшләп, компьютердан идарә ителә торган махсус станокта ике кубик кырганнар да, берсенең кырларына шагыйрьләр исемен, икенчесенә аларның әсәрләрен язганнар. Әгәр дөрес парласаң, кубик кырга язылган шигырьне укып бирә. Әгәр кубикларга ингиз телендә сүзләр һәм аларның тәржемәсен язып, бер-берсенә дөрес туры китерсәң, сүзнең дөрес әйтелешен ишетәсең. Кубикларның электрон һәм тышкы "эчлеген" мөс­тәкыйль рәвештә программалаштырырга мөмкин. Алар аккумуляторлар белән эшли.