Саба боксчылары кабат беренче

Мари иле башкаласы Йошкар Ола шәһәренең ачык Беренчелеге кысаларында СССР Кубогы финалисты, СССРның спорт мастеры Николай Ведерников истәлегенә узган бокс буенча 7нче Бөтенроссия турнирында Россиянең төрле почмакларыннан килгән 184 спортчы арасында Саба балалар һәм яшүсмерләр спорт мәктәбендә шөгыль­ләнү­че Айрат Хисамов һәм Айдар Бекбаев үз үлчәү категорияләрендә I урынга лаек булдылар. Спортчы егетләребезне һәм аларны ярышларга әзерләүче тренерлары Рифат Хисамов һәм Рамил Сәетовны бу зур җиңүләре белән котлыйбыз!