Саба командасы - бадминтон буенча республика чемпионы

Күптән түгел Минзәләдә авыл районнары арасында Татарстан Республикасында "Сәламәтлек" XI Спартакиадасы кысаларында бадминтон буенча республика Чемпионаты узды. Спорт ярышында барлыгы 23 районнан алты уенчыдан торган команда көч сынашты. Бадминтон ярышларында Саба командасы балтачлыларны 52 штраф очко белән артта калдырып чемпион булды. Аерым уенчылар арасында Гөлнара Зарипова, парлы уенда да шул ук уенчы Язгөл Хаҗиева белән беренче, катнаш парлар арасындагы турда Илфат Зарипов белән 2 урынга чыкты. Ир-атларның парлы уенында Илфат Зарипов һәм Евгений Бедрицкий 2 урынны алуга иреште.