Сабада эшләнгән сөт продуктларының тәмен татып караучылар да күп булган

Узган шимбәдә Казанның агросәнәгать паркында үткән сөт продукциясе һәм аны дегустацияләү күргәзмәсендә "Экопродукт" җәмгыяте дә катнашты һәм үз продукциясен тәкъдим итте. Азык-төлек базарын үстерү, җирле җитештерүчеләрнең югары сыйфатлы продукциясен сату өлкәсен киңәйтү һәм халык арасында популярлыгын арттыру максатыннан уздырылган күргәзмә "Татарстанныкын сатып ал!" шигаре астында узган. Чара барышында Сабада эшләнгән сөт продуктларының тәмен татып караучылар да күп булган һәм башкала кулланучыларында кызыксыну уяткан. Сыйфатына уңай бәя бирүчеләрне сырны, башка продуктларны сатып алган.