Сак булыгыз: ВИЧ йоктыручылар арта

Узган атна эчендә генә ВИЧ-инфекция йоктыручылар арткан.

ТР Роспотребнадзор идарәсе матбугат хезмәте хәбәр иткәнчә, Татарстанда 24 кеше куркыныч авыруны йоктырган.

Иң күп очрак Казанда теркәлгән. Анда барлыгы 9 кеше бу инфекцияне йоктырган. Шулай ук, Чаллы, Лениногорск, Әгерҗе, Бөгелмә, Буа, Зәй районнарында да авыруларны ачыклаганнар. Әлеге куркыныч авыруны йоктырмас өчен гап-гади тормыш кагыйдәләрен үтәргә кирәк, алтын сүзләрне дә истән чыгарасы түгел: "Үзеңне сакла - ялгызың йокла!"

Әлмәт таңнары