Синоптик: Бу атнада Татарстанда иң салкын төн җомгага туры киләчәк

Фото: © «Татар-информ», Солтан Исхаков

Сишәмбе иртән төбәктә урыны белән яңгыр көчәергә мөмкин. Бу хакта «Татар-информ» хәбәрчесенә «МЕТЕО» фаразлау үзәге синоптигы Александр Ильин хәбәр иткән.

«Татарстанда, шул исәптән Казанда, бүген көндез +11..+13 градус һәм төнлә +6..+8 градус тирәсе була. Бераз яңгыр көтелә. Сишәмбе дә шундый һава торышы фаразлана. Атна уртасында бераз болытлы һәм яңгырлы була башлый. Әмма шимбә һәм якшәмбе явым-төшем көтелми. Шулай ук пәнҗешәмбедән җомгага каршы төндә урыны белән җепшек кар яву ихтималы бар», – диде агентлык әңгәмәдәше.

Чәршәмбедән башлап Татарстанда төнге температуралар +2..+7 градус дәрәҗәсендә була башлый, атна азагына кадәр җитди тирбәнешләр булмаячак. Республиканың төньяк районнарында төнлә температура +6 градуска кадәр түбәнәергә мөмкин. Атна уртасында явым-төшемнәрнең интенсивлыгы кими башлый.

«Агымдагы атнада җил көньяктан, көньяк-көнчыгыштан секундына 2-5 метр тизлек белән исәчәк. Татарстанда иң салкын төн җомгага туры килә, температура 0..-1 градуска кадәр түбәнәергә тиеш. Калган көннәрдә һава температурасы +2..+7 градус булачак, дип көтелә», - дип йомгаклады сүзен синоптик.

Кызыклы яңалыкларны күзәтеп бару өчен Телеграм-каналга язылыгыз

Тулырак: https://tatar-inform.tatar/news/sinoptik-bu-atnada-tatarstanda-in-salkyn-ton-omgaga-tury-kilacak-5912491