Синоптиклар яшенле яңгыр һәм көчле җил турында кисәтә

Иртәгә, 3 июльдә, Татарстанда һәм Казанда һава шартларының сизелерлек бозылуы көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Республикада төнлә һәм иртән урыны белән томан төшәчәк, дип искәртә синоптиклар.

Моннан тыш, көндезге сәгатьләрдә яшенле яңгыр яварга, яшен вакытында көньяк-көнбатыштан искән җилнең тизлеге секундына 15-20 метрга кадәр җитәргә мөмкин.

Чыганак: https://tatar-inform.tatar/news/society/02-07-2020/tatarstan-sinoptiklary-yashenle-ya-gyr-m-k-chle-il-hakynda-kis-t-5753930