Солдатларның исемнәре мәңгеләштерелә

Хәрби комиссариат каршында эшләүче, 50дән артык ветеранны берләштергән "Сугышчан туганлык" Бөтенроссия җәмәгать оешмасының район бүлекчәсе "кайнар нокта"ларда хезмәт иткәндә башын салган егетләрнең истәлеген мәң­геләштерү чаралары күрә. Узган шимбәдә бүлекчә әгъзалары Әфганстанда интернационал бурычын үтәгәндә һәлак булган Илфат Зиннәтуллин (Чулпыч), Илгизәр Харисов (Тенеки), Фердинант Шәйдуллин (Язлы Арташ), Чечняда хезмәт иткәндә гомере өзелгән Хәбир Заһидуллин (Татар Икшермәсе), Марат Зайцев (Шәмәрдән) туып үскән йортларга мемориаль такталар куйдылар.