Сәрхуш аналарны яңа проект буенча тәрбияличәкләр

1нче октябрьдән сәрхуш аналарны яңа проект буенча тәрбияләргә җыеналар. «Точка трезвости» дигән проект Русиянең төрле төбәкләрендә 2011нче елдан бирле кулланылса да, Татарстанда быел гына кертелде. Бер төркем белгечләр - табиб, психолог, наркологлар ата-ана хокукыннан мәхрүм ителгән һәм мәхрүм ителү куркынычы янаган аналарны дәвалаячак. Дәвалау алты ай дәвам итә һәм тулысынча бушка. Быел программа Казан, Чаллы, Түбән Кама, Әлмәт, Бөгелмә, Яшел Үзән, Азнакай кебек зур шәһәрләрдә старт ала. Дәвалау өчен беренче чиратта күп балалы аналар сайлап алына.

Безнең гәҗит