“Татар-информ” 300 килограммлы кабанны фотога төшергән өчен премия вәгъдә итә

«Татар-информ» агентлыгы Татарстан урманнарында яшәүче уникаль авырлыктагы кабан дуңгызын фотога төшергән өчен премия вәгъдә итә. Бу хакта “Татмедиа” АҖ генераль директоры Андрей Кузьминга Татарстан Биоресурслар буенча Дәүләт комитеты җитәкчесе Федор Батков сөйләде.

“1980 елларда аучылык ярдәмендә ашатырга теләделәр. Ул вакытта һәр районда бригадалар бар иде. Алар җәнлекләрне, нигездә пошиларны атканнар. Ул чорда безнең ресурслар шактый кимеде. Шулай да республикада  300 килограммлы кабан бар. Аны аучылар үзләре дә атмаячак – гастрономик кыйммәте юк”, - диде Федор Батков.

“Татар-информ” республика урманнарында 300 килограммлы кабанны (тере кабан фотосы, трофей түгел) фотога төшергән өчен премия вәгъдә итә. Җиңүче 20 мең сум акчалата бүләк алачак һәм “Татмедиа” АҖ ресурсларында әңгәмә бирәчәк.

Конкурста катнашу өчен Instagram да безнең биттә #УникальныйКабан хэштегы белән видео яки фото куярга һәм кыргый җәнлекне күргән урынны сурәтләргә кирәк. Биоресурслар буенча Дәүләт комитеты белгечләре фотога төшерелгән кабанның “Интервью без галстука с Андреем Кузьминым” тапшыруында сөйләнгән җәнлекме икәнлеген ачыклаячак.

Федор Батков белән әңгәмәне тулысынча «События» порталында укырга мөмкин. Телевизион версияне “Татарстан 24” телеканалында шимбә 18.30 һәм якшәмбе 13.30 сәгатьтә “Интервью без галстука с Андреем Кузьминым” программасында карый аласыз.

Фото: архив/Михаил Захаров, Рамиль Гали

https://tatar-inform.tatar