Саба таңнары

Татарстанда 2 айда COVID-19 мәсьәләләре буенча кайнар линиягә 60 мең шалтырату килгән

Көн саен 122 бердәм номерына яңа коронавирус инфекциясенә кагылышлы мәсьәләләр буенча 2 меңгә якын шалтырату килә. Подробнее: https://tatar-inform.tatar/news/society/21-01-2021/tatarstanda-2-ayda-covid-19-m-s-l-l-re-buencha-kaynar-liniyag-60-me-shaltyratu-kilg-n-5800500

Татарстанда ике ай эчендә COVID-19 мәсьәләләре буенча кайнар элемтәгә 60 меңгә якын шалтырату килгән.

Бу хакта «Татар-информ» агентлыгына ТР Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының матбугат хезмәтендә хәбәр иттеләр.

Яңа коронавирус инфекциясенә кагылышлы мәсьәләләр буенча 122 бердәм номеры республикада узган елның 25 ноябреннән эшли башлады. Ике ай эчендә генә дә кайнар элемтәгә 59 меңнән артык шалтырату килгән.

Реклама

Көн саен республикада яшәүчеләрнең сорауларына 60 оператор җавап бирә. Көненә яңа төрдәге COVID-19 коронавирус инфекциясенә кагылышлы мәсьәләләр буенча 2 меңгә якын шалтырату килә.

Татарстанлылар күбесенчә поликлиникаларның эш режимы, табиб һәм ашыгыч ярдәм хезмәткәрләрен чакырту, дару сатып алу мөмкинлеге, шулай ук коронавируска каршы прививка ясатуга бәйле сораулар бирә. 

Фото: архив/Владимир Васильев

Чыганак: tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: