Узган атнада республикада язгы кыр эшләренә старт бирелде.
Бүген инде 29 муниципаль район аграрийлары басуларда эшли: уҗым һәм күпьеллык үләннәрне минераль ашламалар белән тукландыралар, тырмалауга керештеләр. Республика буенча уҗымнарны 527 мең гектардан артык мәйданда, ә күпьеллык үләннәрне 350 мең гектарга тукландырырга кирәк. Бүгенге көнгә 19 мең гектар уҗым һәм 27 мең гектарга якын күпьеллыклар ашламаланган. Татарстанның 6 районы тырмалауга кереште. Бу-Актаныш, Апас, Буа, Биектау, Лаеш һәм Ютазы районнары. Республиканың Гидрометеорология үзәге мәгълүматлары буенча, агымдагы елның ноябреннән март аена кадәр 276 мм яңгыр яуган, бу нормадан - 170%. Һава температурасы уңай дәрәҗәгә күчә, бу кырлардан карның тиз төшүенә һәм үсемлекләрнең вегетацияләнүенә китерә. Хәзер төп бурыч – язгы чәчүне кыска вакыт эчендә һәм югары сыйфатлы итеп үткәрү. Көн саен язгы чәчүнең оптималь вакытын югалту аларның потенциаль уңышын 2-3 центнерга киметә.
Нет комментариев