Саба таңнары
  • Тат Лат
  • Татарстанда «ЭпикВакКорона» вакцинасын клиник тикшеренүләр башлана

    Теркәү алды клиник сынауларында 3 мең ирекле катнашачак, дип хәбәр иттеләр Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) матбугат хезмәтендә.

    Коронавирус инфекциясенә каршы «Вектор» фәнни үзәгендә уйлап табылган «ЭпиВакКорона» вакцинасы теркәү алды клиник сынаулары үткәрү өчен Татарстанның медицина учреждениеләренә килде. Моннан тыш, аны Мәскәү шәһәре һәм өлкәсе, Төмән һәм Калининград өлкәләре хастаханәләре дә алды. Бу хакта Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) матбугат хезмәте хәбәр итә.

    «Роспотребнадзорның „Вектор“ фәнни үзәгендә уйлап табылган „ЭпиВакКорона“ вакцинасы теркәү алды клиник сынаулары үткәрү өчен Мәскәү шәһәре һәм өлкәсе, Төмән, Калининград өлкәләре һәм Татарстан Республикасы медицина оешмаларына тапшырылды», - диелә хәбәрдә.

    Реклама

    Матбугат хезмәтендә билгеләп үтүләренчә, әлеге төбәкләрнең медицина учреждениеләре теләге булган кешеләрне сайлап алырга керешкән. Сайлап алуда 4 мең кеше булыр дип көтелә, шуларның 3 меңе сынауларда катнаша. Алар барысы 18 яшьтән өлкәнрәк. 

    Фото: "Татар-информ" архивы

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: