Тәмәкегә каршы көрәшәбез

Илебездә 31 майда тәмәкегә каршы көрәш көне билгеләп үтелә. Ул быел "Тәмәке әйберләре белән законсыз сәүдәне туктатырга" дигән девиз астында үтә. Шул уңайдан 25 майдан районда "Тәмәке төтене тәэсире һәм тәмәке тартуның начар йогынтысыннан халык сәламәтлеген саклау турында"гы Закон үтәлеше мәсьәләләренә багышланган айлык башланып китте. Район башкарма комитетының мәгариф идарәсе боерыгы нигезендә мәктәпләрдә үткәреләчәк чаралар планы расланды. Үсеп килүче буынны тәмәке, кальян тарту, насвай кулланудан кисәтү мәсьәләләрендә ата-аналар белән профилактика үткәрү өчен "Балалар ышаныч телефоны" (8-800-2000) эшли.