Саба таңнары

Тыныч йокла, Илнар!

Зур өметләр белән Яңа елга әзерләнеп йөргән көннәрдә, мәдәният күгенең балкып янган йолдызы сүнде. Халыкара "Татар җыры", "Сандугач керде күңелгә", "Кукмара кышы" конкурслары лауреаты, күпсанлы мактаулы исемнәргә лаек булган, җыры белән үзен тыңлаучыларның иң тирәндә, йөрәк түрендә яткан нечкә кылларына кагылган, тамашачыларның рухи дөньясында аерым бер урынны биләгән, кабатланмас моң...

Реклама

Зур өметләр белән Яңа елга әзерләнеп йөргән көннәрдә, мәдәният күгенең балкып янган йолдызы сүнде. Халыкара "Татар җыры", "Сандугач керде күңелгә", "Кукмара кышы" конкурслары лауреаты, күпсанлы мактаулы исемнәргә лаек булган, җыры белән үзен тыңлаучыларның иң тирәндә, йөрәк түрендә яткан нечкә кылларына кагылган, тамашачыларның рухи дөньясында аерым бер урынны биләгән, кабатланмас моң иясе, үзенең гадилеге, тыйнаклыгы, эчкерсезлеге белән хөрмәткә лаек булган Илнар Камалиев арабыздан китте.

Үзе китте, әмма аның якты истәлеге булып, искиткеч җыр-моңнары калды. Шушы авыр хәсрәтне күтәрергә Анурбек абый белән Фирая апага, сеңлесе Гөлнарага, әбисенә, барлык туганнарына, якыннарына Аллаһ зур сабырлыклар бирсен. Без, район Мәдәният йорты хемәткәрләре, ихлас күңелдән тирән кайгыларын уртаклашабыз, дип яза Кукмараның "Хезмәт даны" газетасы мәрхүмнең әти-әнисе, туганнары һәм якыннарының авыр кайгыларын уртаклаша.

Илнар! Рәхмәт сиңа бу җиргә туганың өчен, җырларың, моңнарың өчен.
Син бу җирдә бик аз яшәдең, әмма безнең күңелләрдә озак сакланырсың. Синең авыр туфрагың җиңел, урының җәннәттә булсын.
Китеп барды һич тә көтмәгәндә
Ышанырлык кына түгел лә.
Җыр-моңнарың, Илнар, әле озак
Сакланырлар безнең күңелдә.

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: