Ялны – үзләре теләгән вакытта

Хезмәткәрләрнең аерым категорияләренә ел саен бирелә һәм түләнә торган отпуск аларның теләге буенча уңайлы вакытта бирелергә мөмкин. Әмма инвалид бала тәрбияләүчеләр моңарчы бу категориягә керми иде. 2015 елның 13 июлендә кабул ителгән 242нче номерлы федераль закон белән Россия Федерациясенең Хезмәт кодексына үзгәрешләр кертелде. Әлеге үзгәрешләр балигъ булмаган инвалид баланы тәрбияләүче ата-ананың берсенә ел саен бирелә һәм түләнә торган отпускны үз теләге буенча уңайлы вакытта алырга рөхсәт итә. Опекун һәм попечитель дә шундый хокук алдылар.