Югары Утар балалар йортына «Дрофей маҗаралары» дигән спектакль алып килгәннәр

Яна ел бәйрәмендә Югары Утар балалар йортында тәрбияләнүче балаларны котларга быел да бик күп кунаклар килде. Билгеле инде, кунак күчтәнәчсез йөрми. Ә менә Теләче районы Югары Кибәхужа авылыннан килгән Фәнил Миннекәев житәкчелегендәге «Балачак» курчак театр- студиясе үзешчәннәренең күчтәнәче бигрәк тә үзенчәлекле иде. Алар Нина Гернетның «Дрофей маҗаралары» дигән спектакль алып килгәннәр һәм аны зур осталык белән башкардылар. Спектакль балаларга да, аларны тәрбияләүчеләргә дә бик ошады. Без аларны кабат үзебездә көтеп калабыз.

Раушания Әүхәдиева.