Балалар «Оста Саба»да ял итә

 Иске Икшермәдәге «Кояшкай» ял һәм сәламәтләндерү балалар лагере биләмәсендә өченче- «Оста Саба» сменасы башланды. Лагерьдә районыбызның төрле авылларыннан  75 бала ял итә. Смена  21  көн – 6 августка кадәр дәвам итәчәк. Лагерьда балалар төрле юнәлешләр буенча мастер-классларда шөгыльләнә (робототехника, мозаика, агачтан эшләнмәләр ясау, график дизайн, чигү-тегү, кул эшләре һәм башкалар),  спорт юнәлешендәге һәм мәдәни чаралар үткәрелә. Смена барышында "Яшь оста" һөнәрләр бәйгесе, туристлар слеты үткәрү һәм  Иннополис шәһәренә экскурсия оештыру да күздә тотыла.