«Башваткыч»та – әфганчылар
6 февральдә «ТНВ» каналында тарихи дата – Әфганстаннан Совет гаскәрләре чыгарылуга 30 ел тулуга багышланган «Башваткыч» тапшыруында ТР хәрби комиссариатының Теләче һәм Саба районнары начальнигы Фәнис Закиров җитәкчелегендә районыбыз әфганчылары катнашты.
Тапшыруда Әфган ветераннары – Эзмә авылыннан Халит Шәрипов, Сабадан Фәнис Шәмсетдинов, Теләчедән Рәис Нуретдинов «Башваткыч» сорауларына җавап эзләү белән беррәттән, әфган хатирәләрен яңарттылар, истәлекләре белән уртаклаштылар. Гомуми дөрес җавапларны исәпләгәч, җиңүче булып Фәнис Шәмсетдинов танылды. Тапшыруның яшь буынга патриотик тәрбия бирүдә роле зур. Анда бертөркем әфганчылар белән бергә, Шәмәрдән лицееның яшьармиячеләр отряды да катнашты. «Башваткыч» тапшыруын ТНВ планета каналында 16 февральдә – 19.20, “ТНВ”да 17 февральдә 18.00 сәгатьләрдә карый аласыз.
Следите за самым важным и интересным в Telegram-каналеТатмедиа
Нет комментариев